Lëvizjet e shtuara dhe sezoni turistik ka rikthyer rastet e te prekurve me Covid 19 në Kukës. Shefi i urgjencës në spitalin e Kukësit, Jemin Ferati tregon për Syritv se nuk ka një shifër të saktë të të prekurve, pasi simptomat janë të ngjashme me virozat e stinës.
Mjeku Ferati apelon që pacientët të paraqiten ne spital dhe të bëjnë tamponin e shpejtë.
Pavarësisht se infektimet nga Covid 19 nuk janë alarmante apo me forma agresive, por për disa pacientë është dashur hospitalizimi kryesisht moshat e treta, pasi ky virus kërkon një mjekim më të specializuar.
Shefi i urgjencës në spitalin e Kukësit, Jemin Ferati u bën thirrje qytetarëve të jenë të kujdesshëm këtë periudhe si pasojë e luhatjes së temperaturave apo mbivendosje të virozëve të ndryshme me Covid 19, e në çdo rast duhet t’i drejtohen mjekut të familjes.
