Ditë zyrtarizimesh te skuadra e Dinamos. Pas portierit Bekim Rexhepi, blutë e Di Biaxhos, kanë prezantuar nëpërmjet faqes zyrtare edhe sulmuesin 22-vjeçar, Baton Zabërgja, që vjen nga Gjilani i Kosovës, ndërsa më herët ka qenë edhe pjesë e Drenicës dhe Vushtrisë.
Futbollisti iu bashkua ekipit në fazën përgatitore që u zhvillua në Itali, ndërsa tani është zyrtarisht pjesë e Dinamos për sezonin e ri. 22-vjeçari që është edhe kontigjent i përfaqësueses së Kosovë. Në sezonin e fundit me gjilanasit, Zabërgja shënoi pesë gola në 33 ndeshje
Duket se Dinamo e sezonit të ri po merr formë gjithnjë e më shumë teksa organika e trajnerit Luixhi Di Biaxho është duke u kompletuar ditë pas dite.
Njoftimi i Dinamos:
Mirë se vjen Baton Zabërgja!
Zabërgja iu bashkua ekipit në fazën përgatitore që u zhvillua në Itali, ndërsa tani është zyrtarisht pjesë e Dinamos për sezonin e ri.
22-vjeçari që është edhe kontigjent i përfaqësueses së Kosovës, vjen pas eksperiencës me skuadrën e Gjilanit, ndërsa më herët ka luajtur edhe me Drenicën dhe Vushtrinë.
