Janë zbardhur detaje të reja nga krimi i rëndë i regjistruar në orët e para të mëngjesit të kësaj të marte në Bulqizë, ku 30-vjeçari Dorjan Dema vrau me kaçavidë 26-vjeçarin Dritan Manjani.
Burime bëjnë me dije se autori dhe viktima kanë qenë në të njëjtin lokal deri në orët e vona të mbrëmjes, teksa krimi është regjistruar në hyrje të fshatit Shupenzë. Autori dhe viktima ishin fqinj me njëri-tjetrin në fshatin Homesh.
Mësohet se autori Dorjan Mema ka qenë duke shkuar në shtëpinë e djalit të xhahit të Dritan Manjanit, për t’u konfliktuar fizikisht me këtë të fundit, ku dyshohet se sherri mes tyre kishte nisur për shkak të bullizimit.
Dritan Manjani i ka dalë para Dorjan Memës për ta ndaluar, por janë konliktuar me njëri-tjetrin dhe 30-vjeçari e ka goditur disa herë me kaçavidë, duke e lënë të vdekur në vend dhe më pas është larguar.
Policia arriti të identifikonte dhe arrestonte Dorjan Demën si autor të krimit. Grupi hetimor nën drejtimin e Prokurorisë vijojnë hetimet për zbardhjen dhe dokumentimin e plotë të rrethanave të ngjarjes.
Ndërkohë, ka dalë dhe fotoja e viktimës, 26-vjeçarit Dritan Manjani, i cili është personi në foton e mëposhtme.
“Në orët e vona të mbrëmjes, në Shupenzë shtetasi D.D., 30 vjeç, banues në fshatin Homesh, për motive të dobëta është konfliktuar me shetasin D.M., 26 vjeç, banues në Homesh. Gjatë konfliktit 30-vjeçari e ka goditur me kaçavidë 26-vjeçarin, i cili si pasojë e plagëve ka humbur jetën në spital.
Shërbimet e Policisë falë reagimit në kohë, lokalizuan, kapën dhe arrestuan autorin e ngjarjes shtetasin D.D. Grupi hetimor nën drejtimin e Prokurorisë vijojnë hetimet për zbardhjen dhe dokumentimin e plotë të rrethanave të ngjarjes”, thuhej në njoftimin e Policisë.
