Media italiane ka publikuar së fundmi një raport sipas së cilës thuhet se në Itali, shërbimet turistike kushtojnë deri në 248% më shumë se në vendpushimet bregdetare të Shqipërisë. Kështu deklaroi Consumerismo No Profit, i cili sot krahasoi çmimet dhe tarifat e destinacioneve kryesore bregdetare shqiptare me ato të vendit tonë.
“Për të fjetur 7 netë në një nga resortet bregdetare më të njohura të Shqipërisë, nga data 21 deri më 28 gusht në dhomë dyshe, kostoja minimale fillon nga 175 euro në Vlorë deri në 420 euro në Qeparo”, analizon Consumerismo.
Nëse zgjidhni ekskluzive ose strukturat luksoze, kostoja maksimale arrin në 5653 euro në Vlorë dhe 2300 euro në destinacionet e tjera shqiptare.
Shifra shumë të ndryshme në Itali. Një javë qëndrimi në Itali fillon me një çmim mininal prej 564 euro në Milano Marittima, 735 euro në San Vito Lo Capo dhe 889 euro në Villasimius, por mund të arrijë, përsëri nëse zgjidhni struktura ekskluzive, 17,378 euro në Viareggio dhe mbi 15 mijë euro në Milano Marittima.
“Ambjentet e plazheve në Itali kushtojnë mesatarisht 162% më shumë se brigjet shqiptare dhe Shqipëria është gjithashtu më e lirë në frontin e kateringut ku një vakt i plotë me bazë peshku kushton mesatarisht midis 20 dhe 25 euro për person, kundrejt 45/65. euro në Itali”, vëren Consumerismo./Ansa
