Reperi Arkimed Lushaj, i njohur me emrin e artit si Stresi, ka reaguar në lidhje me ngjarjen e orëve të para të mëngjesit të 6 Gushtit, ku 26-vjeçari Seir Konti nga Vlora ka djegur automjetin tip “Maybach – Mercedez Benz” të reperit Noizy (Rigels Rajku), pasi ishte paguar dhe porositur nga reperi Cllevio Serbiano (Kleviol Ahmeti).
Në një reagim për JOQ, Stresi shprehet se nuk është e vërtetë se është djegur makina tip “Ferrari” e Noizyt, ashtu siç doli fillimisht në media. Stresi pretendon se Seir Konti fillimisht ka shkuar për t’i djegur makinën atij, por pasi nuk e ka gjetur, më pas ka shkuar në Durrës.
“Po ju them realitetin. Ky djali që kanë kapur, ka dash me djeg makinën e Noizyt dhe timen. Dhe nuk ka djegur as Lambon dhe as Ferrarin e atij. Se këto janë rrena se makinat janë në garazhd. Nuk është mirë të nxirrni gjëra të pavërteta, sepse nuk është e vërtetë që ka djegur Ferrarin.
Ky ka ardhur në fillim me më djeg makinën mua, por s’më ka gjetur mua dhe ka shkuar në Durrës. Edhe kështu është historia, ky është kapur, porositësi është Klevio, i ka treguar të gjitha djali.” – shprehet Stresi.
Noizyt nuk iu dogj “Ferrari”, por “Maybach”-u 120 mijë eurosh, reagon Cllevio: M’preu n’besë …
