Deputetja e Partisë Demokratike, Albana Vokshi, ka dalë me një reagim zyrtar lidhur me datën e sotme (12 gusht), e cilësuar si Dita Ndërkombëtare e Rinisë.
Përmes një postimi në rrjete sociale, Vokshi ka treguar përmes shifrave se si është ‘shfarosur’ rinia shqiptare ndër vite, si pasojë e emigrimit për një jetë më të mirë dhe shkollimit jashtë vendit.
Duke cilësuar si përgjegjës të dramës së emigrimit të të rinjve Kryeministrin Rama dhe ministrat e tij, Vokshi theksoi se këta të fundit nuk dhanë asnjë reagim, lidhur me “Ditën e Rinisë’ që daton sot, heshtje e cila tregon se rinia nuk është prioritet i kësaj qeverie.
“As Kryeministri, as Ministrat s’u kujtuan që sot ishte një ditë e rëndësishme për të rinjtë. Asnjë urim, asnjë premtim! Asnjë aktivitet, asnjë program, asnjë strategji, asnjë buxhet!! Sepse rinia nuk ka qenë asnjëherë e nuk është prioritet i kësaj qeverie“,- shkruan Vokshi ndër të tjera.
Reagimi i plotë:
12 gusht – Dita Ndërkombëtare e Rinisë
Si e gjen rininë shqiptare kjo ditë?
Emigrimi:
Në dhjetë vitet e fundit, rreth 1 milionë shqiptarë janë laguar. Nga këta, rreth 75% deri në moshën 40 vjec.
Numri i maturanteve:
Viti shkollor 2012/2013 – 45,980 maturante
Viti shkollor 2022/2023 – 27,263 maturante
Aplikimet në universitete:
Nga 30 mijë maturantë, 11 mijë kanë aplikuar në universitetet jashtë Shqipërisë. Vetëm 19 mijë kanë aplikuar në Shqipëri.
Aplikimet për mjekësi të përgjithshme:
2022/2023 – 3000 aplikime
2023-2024 – 1800 aplikime.
Papunësia për të rinjtë (15-29 vjec) (3-mujorin e fundit 2022)
– Shqipëria – 21.5%
– Mesatarja europiane – 6.3%
– Serbia 8.6%
– Maqedonia e Veriut 13.8%.
As Kryeministri, as Ministrat s’u kujtuan që sot ishte një ditë e rëndësishme për të rinjtë. Asnjë urim, asnjë premtim! Asnjë aktivitet, asnjë program, asnjë strategji, asnjë buxhet!! Sepse rinia nuk ka qenë asnjëherë e nuk është prioritet i kësaj qeverie!
Rinia është e tashmja, Rinia është e ardhmja!
Rinia është shpresa!
Nëse rinia ikën….bashkë me të ikën dhe shpresa!!
Ndaj për të gjithë ne, fokusi duhet të jetë, krijimi i premisave dhe një ambjenti të përshtatshëm, ku të rinjtë të kenë hapësira për studime, punësim e mbështetje.
