Qindra automjete po udhëtojnë këtë të premte nga Tirana drejt juglindjes së vendit.
Që prej orës 17:30, hyrja e qytetit të Elbasanit është bllokuar, ndërsa trafiku arrin në disa kilometra.
Qytetarët po lëvizin drejt Pogradecit dhe Korçës, por ka nga ata që kanë zgjedhur të kalojnë fundjavë në Maqedoninë e Veriut dhe Greqi, duke iu drejtuar kështu pikave kufitare.
Trafiku në qytetin e Elbasanit është rënduar edhe më tej, për shkak të ardhjes së emigrantëve, që po pushojnë në atdhe.
