53-vjeçari, Agron Ketaj, i cili u përplas nga një fadromë teksa ishte duke pushuar në liqenin e Pogradecit, është nisur drejt spitalit të Traumës në Tiranë.
Ngjarja ndodhi mesditën e kësaj të mërkure, ku Ketaj u godit aksidentalisht nga fadroma që shërben për pastrimin e mbetjeve liqenore, teksa ishte në gjumë duke marrë rreze. Mësohet se gjendja e tij është kritike.
Ndërkohë drejtuesi i fadromës, Denis Piperi. 22 vjeç është shoqëruar në Komisariat, për kryerjen e veprimeve të mëtejshme procedurale.
Njoftimi i policisë mbi ngjarjen:
Rreth orës 13:50, në vendin e quajtur “Plazhi”, mjeti fadromë që shërben për pastrimin e mbetjeve liqenore, me drejtues shtetasin D. P., 31 vjeç, ka goditur aksidentalisht shtetasin A. K., 53 vjeç (pushues), i cili si pasojë është dëmtuar dhe ndodhet në spitalin e Pogradecit, në kujdesin e mjekëve.
Ndërkaq, drejtuesi i fadromës, shtetasi D. P. është shoqëruar në Komisariat, për kryerjen e veprimeve të mëtejshme procedurale.
Grupi hetimor vijon punën për zbardhjen e rrethanave të kësaj ngjarjeje.
