Pesë persona janë proceduar këtë të martë në Gjirokastër pasi akuzohen për shitje të lëndëve narkotike.
Blutë bëjnë me dije se këta shtetas shisnin lëndë narkotike brenda kalasë së qytetit, ndërsa gjatë kontrollit u janë gjetur dhe sekuestruar sasi të lëndëve narkotike kokainë dhe cannabis sativa, të ndara në doza të gatshme për shitje.
“Specialistët e Seksionit për Hetimin e Trafiqeve dhe Narkotikëve të DVP Gjirokastër evidentuan dhe goditën 5 raste të tjera të shitjes së lëndëve narkotike, në doza, brenda perimetrit të kalasë.
Për këto raste, u referuan materialet në Prokurori ku nisi procedimi në gjendje të lirë për shtetasit: 30 vjeç, banues në Tiranë, , 28 vjeç, banues në Gjirokastër, ., 26 vjeç, banues në Tiranë,., 31 vjeç, banues në Gjirokastër dhe ., 25 vjeç, banues në Tiranë.
Gjatë kontrolleve fizike ndaj këtyre shtetasve, Policia gjeti dhe sekuestroi në cilësinë e provës materiale, sasi të lëndëve narkotike kokainë dhe cannabis sativa, të ndara në doza të gatshme për shitje”,– njofton Policia.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Gjirokastër, për veprime të mëtejshme.
