Personi që shihni në foton e mësipërme është 48-vjeçari Tush (Nue) Frroku, i cili dyshohet si autor i vrasjes së regjistruar pasditen e djeshme në Klinë të Kosovës.
Ai ekzekutoi me kallashnikov brenda një lokali Anton Prela, i cili ndërroi jetë në spitalin e Pejës, duke mos iu mbijetuar dot plagëve të marra. Sipas policisë, autori ka grabitur një makinë në momentin e arratisjes, e më pas mjeti është gjetur, por jo Tush Frroku.
Policia e Kosovës ka kërkuar ndihmën e qytetarëve për kapjen e tij. Autoritet kanë publikuar foton e 48-vjeçarit, duke kërkuar nga qytetarët që të bashkëpunojnë me Policinë për çdo informacion rreth vendndodhjes së tij.
LEXO EDHE: Del VIDEO, momenti kur “killeri” ekzekuton klientin brenda lokalit në Kosovë
Njoftimi i Policisë së Kosovës:
Kërkesë për bashkëpunim
Pejë, 7 gusht 2023
Policia e Kosovës – Drejtoria Rajonale e Policisë në Pejë, bazuar në ligj për publikimin e fotos me shënime tjera të personit të kërkuar më autorizimin e Prokurorisë themelore nё Pejё, me qëllim lokalizimin dhe rrjedhimisht arrestimin e tij, lëshon: Kërkesë për bashkëpunim me qytetarët.
Personi i kërkuar është:
– TUSH (Nue) FRROKU i lindur me 25.06.1975 në fshati Kosh-Istog.
I dyshuari është i kërkuar për veprën penale:
– “Vrasje”
Policia e Kosovës kërkon nga qytetarët e Republikës së Kosovës që kushdo që ka informacion për vendndodhjen e personit të dyshuar në foton e bashkangjitur, të lajmërojë Policinë e Kosovës apo të lajmërohet në stacionin më të afërt policor.
Numrat e telefonit dhe adresat elektronike kontaktuese për të kontaktuar Policinë e Kosovës:
-192 dhe 080019999 (pa pagesë)
-039 432 327-Drejtoria Rajonale Pejë
-E-mail adresa: [email protected]
