Detaje të reja janë zbardhur nga dosja e tre ushtarakëve të repartit të Zall Herr-it që u lanë dje në burg, pasi në repart u gjet kanabis i kultivuar.
Ushtarakët e kanë kontrolluar disa herë territorin në muajit qershor dhe korrik dhe në procesverbale nuk kishin raportuar për kanabis. Burime mediatike bëjnë me dije se në 25 korrik është kryer kontrolli i fundit në zonë.
Specialisti i zbulimit Rustem Koçi, bashkë me rreshterin Gentian Zhurda dhe kryekapterin Gramoz Mullai dhe kryekapterin Arben Muça zhvilluan kontroll në repartin 1060 dhe nuk konstatuan asgjë të dyshimtë.
Rreshteri Gentian Zhurda do të shprehej se reparti ishte shumë i pyllëzuar, dhe ishte i pamundur të kontrollohej 100 për qind, për më tepër në kushtet kur ushtarakët nuk zotëronin mjetet e nevojshme.
Gjykata e Tiranës vendosi masën “arrest me burg” për tre ushtarakët Gramoz Mullai; Rustem Koçi dhe Gentian Zhurda, 45 vjeç, të cilat akuzohen për shpërdorim detyre.
