Policia e Gjirokastrës ka arrestuar një 27-vjeçar pasi akuzohet për shpërndarje të lëndëve narkotike.
Në pranga është vënë shtetasi Danjel Lleshi, banues në Lezhë, si dhe ka nisur procedimi në gjendje të lirë ndaj shtetasit K. H., 31 vjeç, banues në Gjirokastër.
Uniformat blu bëjnë me dije se 27-vjeçari është kapur në flagrancë duke i shitur lëndë narkotike ekstazi 31-vjeçarit, brenda kalasë së Gjirokastër.
Në cilësinë e provës materiale, Policia sekuestroi sasinë e lëndës narkotike ekstazi, 420 euro dhe 28000 lekë që iu gjetën Danjel Lleshit, në momentin e arrestimit, të dyshuar të përfituar nga veprimtaria kriminale e shitjes së kësaj lënde, si dhe 2 celularë.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Gjirokastër, për veprime të mëtejshme.
