Dy persona janë plagosur në një aksident të ndodhur në qendër të fshatit “Novoselë” të Vlorës, rreth orës 16:40 të kësaj të hëne.
Policia njoftoi se automjeti tip Benz me drejtues shtetasin A.I., është përplasur me një motomjet që drejtohej nga shtetasi M. M., 20 vjeç, me të cilin udhëtonte dhe një shtetas tjetër, të dy banues në Novoselë.
Si pasojë e përplasjes është dëmtuar 20-vjeçari dhe pasagjeri në motomjet, të cilët ndodhen në Spitalin Rajonal Vlorë, jashtë rrezikut për jetën.
Një hetim ka nisur për sqarimin e rrethanave të ngjarjes.
