Ministria e Punëve të Brendshme në Mal të Zi ka reaguar në lidhje me incidentin e kryeministri Dritan Abazoviç, i cili i shpëtoi për fije një aksidenti të mundhsëm, si pasojë e mosfunksionimit të sistemit të frenimit në makinën shtetërore.
Ministri i Brendshme Filip Axhiç, ka treguar se nga hetimet e deri tanishme është zbuluar se bëhet fjalë për një problem teknik të automjetit tip “Mercedez Benz” të përdorur nga Abazoviç për shkak të vjetërisisë së tij dhe kilometrave të shumta.
“Ne jemi të bindur nga kontrolli i deritanishëm se defekti i automjetit ka ardhur për shkak të vjetërsisë dhe kilometrazhit të konsiderueshëm,”-bëri me dije Ministria e Brendshme.
Ata sqarojnë se 12 vjet është mosha mesatare e mjeteve motorike.
“Po ashtu edhe për momentin nuk ka të dhëna që do të tregonin se dështimi i mjetit të lartpërmendur në ngjarjen në fjalë është shkaktuar nga faktori njerëzor. Duke pasur parasysh se bëhet fjalë për një automjet që përdoret nga zyrtarë të Administratës Policore, të cilët kryejnë detyra sigurie për Kryetarin e Qeverisë së Malit të Zi, Ministri i Punëve të Brendshme, Filip Axhiç, ka iniciuar mbikëqyrjen e jashtëzakonshme nga Drejtoria për Çështje të Sigurisë dhe Mbikëqyrjes me qëllim përcaktimin e shkakut të ngjarjes,”-tha Axhiç.
Kujtojmë se ngjarja e 31 korrikut, bëri ‘zhurmë’ në rrjet, pasi Kryeministri Dritan Abazovic ishte nisur për një vizitë zyrtare në Tivat dhe në momentin kur u zbulua problem me makinën, automjeti me të cilin po udhëtonte Abazovic u zhvendos në anë të autostradës.
Më pas kryeministri i Malit të zi ka përdorur një tjetër automjet tip “Audi” për të vazhduar udhëtimin. Ndërsa aludimet nuk munguan në rrjet, kryeministri i la fjalën autoritetevë për të zbardhur shkakun e incidentit.
