Kristjan Asllani ka përfunduar në planet e Premier League. Mesfushori i Inter, sipas asaj që raportohet nga “TuttoMercatoWeb”, ka përfunduar në listën e objektivave të Brajton të De Zerbit. Por tratativa është shumë më e komplikuar se sa e thjeshtë për t’u zgjidhur. Veçse një ofertë shumë joshëse për klubin zikaltër mund të hapë diskutimin.
“Kontakti i parë mes palëve ka ndodhur në fund të qershorit, atëherë kur vetë De Zerbi pat folur me drejtorin sportiv të Interit, Piero Auzilio, por në këto orët e fundit të kësaj merkatoje Brajton është përfshirë në një sondazh – lexohet në TuttoMercatoËeb – Mund të ketë zhvillime në orët në vazhdim, por nëse anglezët e duan Asllanin do të duhet të jenë shumë bindës për Interin në ofertën e tyre”.
Kristjan Asllani erdhi tek Interi gjatë sezonit 2022-2023 me huazim nga Empoli. Asllani me zikaltërit ka luajtur 20 ndeshje, ndërsa me Empoli 23 ndeshje ka shënuar një gol. Po kështu ka luajtur pesë ndeshje me Shqipërinë e moshës deri në 21 vjeç dhe me kombëtaren e të rriturve kuqezi dhjetë ndeshje e dy gola. Dy golat me kuqezinjtë i ka shënuar ndaj Armenisë në miqësoren e 19 nëntori 2022, kur u fitua 2-0, si dhe ndaj Ishujve Faroe në fitoren 3-1 në kualifikueset e Euro 2024. Kështu Brajton kërkon Asllanin.
