Mëngjesin e të enjtes, në lagjen numër 15 të Durrësit, një 52-vjeçar humbi jetën si pasojë e një aksidenti në punë.
Arben Kurmeka u zu poshtë nga pllakat e mermerit të cilat ndodheshin në kamionin me të cilin ai po punonte.
Në lidhje me rastin policia ka arrestuar shoferin e kamionit – Musa Kabashi, 62 vjeç, banues në Xhavzotaj.
Sipas policisë, ai u largua menjëherë nga vendngjarja pasi pllakat në kamionin e tij rrëshkitën dhe vranë punonjësin 52-vjeçar. Sipas uniformave blu, shoferi nuk i dha as ndihmën e parë viktimës, por u largua me shpejtësi dhe nuk njoftoi Policinë.
Mbi 62-vjeçarin, rëndojnë veprat penale “Shkelja e rregullave të mbrojtjes në punë” dhe “Largimi nga vendi i aksidentit”.
