Një aksident automobilistik është regjistruar këtë të premte në aksin rrugor Cërrik- Gramsh, në afërsi të fshatit Çekin.
Burime bëjnë me dije se dy automjete janë përplasur me njëra-tjetrën, e për pasojë mësohet se kanë mbetur të plagosur katër persona..
Të aksidentuarit janë dërguar në spitalin e Gramshit të cilët ndodhen nën kujdesin e mjekëve jashtë rrezikut për jetën.
Në vendin e ngjarjes kanë mbërritur forcat e policisë ku po hetojnë për zbardhjen e plotë të shkaqeve të aksidentit.
