Këngëtarja dhe modelja Morena Taraku njoftoi përmes rrjeteve sociale se i është vjedhur banesa në Turqi. Ajo paralajmëroi padi për kompleksin ku jeton meqë plackitja ka ndodhur në një prej zonave më luksoze elitare.
Mbi zhvillimin ka raportuar edhe televizioni i njohur turk “Show”. Në edicionin informativ të pasdites janë shfaqur pamje nga rezidenca e Tarakut teksa është bërë e ditur edhe vlera e dëmit që kap shifër marramendëse.
“Hajdutët dukeshin sikur e dinin se ku ishin gjërat me vlerë, shkuan në dhomën e zhveshjes, dera ishte e mbyllur, fillimisht thyen derën dhe hynë. I kanë marrë florinjtë nga këtu dhe më pas shkuan në kasafortë. Ishin më shumë se 15 mijë dollarë cash, ora, stoli, gjerdan, byzylykë, mendohet se janë mbi 10 milionë lira (340,000 euro)”, raporton media turke.
