Zbulime të reja arkeologjike janë bërë në Bushat të Shkodrës, aty ku në vitin 2018 u zbuluan rrënojat e një qyteti antik që besohet se është Bassania.
Arkeologët polakë thoën se kanë zbuluar një pallat të madh, 2400 vjeçar, të ndarë në tre dhoma të mëdha dhe një korridor të gjatë. Pallati është zbuluar në pikën më të lartë të qytetit antik.
Brenda pallatit, arkeolokët thanë se kanë zbuluar “një numër të mahnitshëm” të vazove që përdoren për verë, të madhësive të ndryshme.
“Kemi zbuluar një ndërtesë unike”, tha arkeologu i misionit polak, Piotr Dyczek. Ai e ka përshkruar ndërtesën si “prytaneion” një strukturë në Greqinë e lashtë ku takoheshin qeveritarët e zonës, ose si një “hestiateron”, një strukturë publike ku digjet zjarri i përjetshëm.
Qyteti duket se ishte planifikuar të qeverisej si qytetet greke, megjithëse nuk është grek, deklaroi arkeologu.
Ai tha se qyteti është ilir, dhe ilirët në atë kohë sundonin pjesën më të madhe të Ballkanit, deri sa u pushtuan nga romakët në vitin 168 p.e.s.
