Ka përfunduar aventuar e Tiranës në kupat e Europës për këtë sezon, pasi është eliminuar në fazën e dytë të Ligës së Konferencës nga Beshiktashi.
Turqit kanë arritur të marrin fitore edhe mbrëmjen e sotme në “Air Albania”, duke i mposhtur bardheblutë me rezultatin e pastër 0-2, duke e çuar rezultatin e përgjithshëm në 5-1 në favor të tyre.
Tirana arriti të rezistonte vetëm në pjesën e parë, teksa skuadra nga Stambolli gjeti golin e avantazhit në minutën e ’57 të takimit me të sapofuturin në lojë Daniel Amartey. Në minutën e ’75 rrugën e rrjetës e gjeti dhe Vincent Aboubakar duke i shuar një herë e mirë shpresat e vendasve për një kualifikim të mundshëm.
Djemtë e Orges Shehit, iu afruan golit në disa raste, por Hasani, Kaina, Deliu dhe Abazaj nuk konkretizuan rastet e krijuara.
Fati nuk ishte me Tiranën në pjesën e parë, pasi u dëmtuan dy lojtarë si portieri Gentian Selmani dhe mesfushori, Ardit Deliu. Ndërsa në mesin e fraksionit të dytë të lojës Beshiktashi mbeti me 10 lojtarë pas ndëshkimit me karton të kuq të Arthur Masuaku.
Besiktasi do të sfidojë në turin e tretë të Ligës së Konferencës azerët e Neftchi Baku.
