Një aksident është shënuar në aksin rrugor Librazhd-Elbasan, në fshatin Mengel ku një makinë ka përplasur një motor në të cilin udhëtonin dy persona.
Drejtuesi i motorit O.P. dhe pasagjerja N.P., kanë mbetur të lënduar si pasojë e përplasjes dhe janë nën kujdesin e mjekëve, ndërsa drejtuesi i makinës, M.L. është shoqëruar në ambientet e policisë.
“Paraditen e sotme, në aksin rrugor Librazhd-Elbasan, në fshatin Mengel, automjeti që drejtohej nga shtetasi M. L., ka aksidentuar motomjetin që drejtohej nga shtetasi O. P.
Si pasojë e aksidentit janë dëmtuar shtetasi O. P. dhe pasagjerja që udhëtonte në këtë motomjet, shtetasja N. P., të cilët ndodhen në kujdesin e mjekëve.
Shtetasi M. L. u shoqërua në ambientet e Policisë, për veprime të mëtejshme.”– njofton policia
Grupi hetimor vijon punën për përcaktimin e rrethanave të aksidentit.
