Një 20-vjeçar është arrestuar në Durrës, pasi ka plagosur me thikë dy vëllezër. Të plagosurit ndodhen jashtë rrezikut për jetën.
Policia ka nisur procedimin në gjendje të lirë për dy vëllezërit e plagosur pasi gjatë sherrit, grushtuan 20-vjeçarin.
“Specialistët për Hetimin e Krimeve të Stacionit të Policisë Plazh arrestuan në flagrancë shtetasin A. H., 20 vjeç, banues në Sukth, Durrës, pasi ka goditur me mjet prerës shtetasit A. Gj. dhe D. Gj. (vëllezër), të cilët ndodhen jashtë rrezikut për jetën.
Gjithashtu, nisi procedimi në gjendje të lirë për shtetasit A. Gj. dhe D. Gj., pasi gjatë konfliktit e kanë goditur me grushte shtetasin A. H.”- njofton policia.
Materialet i kaluan Prokurorisë pranë Gjykatës së Shkallës së Parë të Juridiksionit të Përgjithshëm Durrës, për veprime të mëtejshme.
