Një 57-vjeçar ëhtë arrestuar këtë të hënë nga Policia, pasi akuzohet për dhunë në familje.
Blutë bëjnë me dije se në pranga ka rënë shtetasi me inicilale, R.A, pasi ka dhunuar gruan dhe djalin.
“Specialistët për Hetimin e Krimeve të Komisariatit të Policisë Nr. 6 arrestuan shtetasin R. A., 57 vjeç, banues në Tiranë, pasi ka ushtruar dhunë ndaj bashkëshortes së tij dhe djalit të tyre”, thuhet në njoftimin e policisë.
Gjithashtu bëhet me dije se është ndaluar edhe një 55 vjeçar i cili ishte dënuar më parë me një vit burg për dhunë në familje.
“Specialistët për Hetimin e Krimeve të Komisariatit të Policisë Nr. 1 ndaluan shtetasin N. D., 55 vjeç, banues në fshatin Lundër, Tiranë, pasi Gjykata e Apelit të Juridiksionit të Përgjithshëm Tiranë e ka dënuar me 1 vit burgim, për veprën penale “Dhuna në familje””, thuhet në njoftimin e policisë.
