Një sherr që degjeneroi në përdorimin e armës së zjarrit ka ndodhur në një lokal në zonën e plazhit në Himarë.
Sipas policisë, ngjarja ka ndodhur ditën e djeshme, ku dy kushërinj janë konfliktuar me dy vëllezër për motive të dobëta.
Pas ngjarjes, 2 prej tyre janë vënë në pranga, 2 janë proceduar në gjendje të lirë, ndërsa 1 është shpallur në kërkim.
Ndërkohë në cilësinë e provës materiale janë sekuestruar 2 armë gjahu, 1 krehër arme zjarri pistoletë, 1 shënjestër optike për snajper, 1 automjet dhe 1 aparat celular.
“Shërbimet e Komisariatit të Policisë Himarë, ditën e djeshme, pas marrjes së njoftimit se në një lokal në plazhi e Bunecit, në Himarë, disa shtetas ishin konfliktuar fizikisht dhe kishin qëlluar me armë zjarri në ajër, kanë organizuar menjëherë punën me qëllim zbardhjen e plotë të ngjarjes, identifikimin dhe vënien përpara përgjegjësisë ligjore të të gjithë shtetasve të përfshirë në këtë konflikt. Falë veprimeve të shpejta hetimore u bë i mundur finalizimi i operacionit policor të koduar “Buneci”, në kuadër të cilit u bë arrestimi në flagrancë i shtetasve:
-E. V., 42 vjeç, banues në Himarë, për veprat penale “Armëmbajtja pa leje”, “Kanosja” dhe “Plagosje e lehtë me dashje” (aktualisht ndodhet në spital, në ruajtje nga shërbimet e Policisë, pasi ka pësuar dëmtime fizike gjatë konfliktit);
