Janë publikuar pamjet nga banesa ku u fsheh dhe u vetëvra Gjergj Mullalli, 55-vjeçari që vrau dhe hodhi në një pusetë gruan e tij Luiza Mullalli, 46-vjeçe.
55-vjeçari qëlloi disa herë ndaj policisë nga banesa e braktisur ku ishte fshehur dhe siç shihet dhe në pamjet e siguruara, shenjat e plumbave janë ende në mur.
Ngjarja e rëndë ndodhi ditën e djeshme në fshatin Zëmblak të Maliqit, teksa autori pas krimit u arratis. Policia u vu në kërkim të tij dhe ditën e sotme rrethoi fshatin për ta kapur. Dhe pasi është lokalizuar nga policia ai është vetëvrarë. Po kështu në vendin ku u vra janë ende gjurmët e gjakut.
