Familja Bekteshi, ka hapur dyert e mortit pas tragjedisë që ndodhi një ditë më parë në Lipjan të Kosovës, ku humbën jetën 3 persona.
Qytetarë të shumtë kanë shkuar për ngushëllime, ndërsa sot në orën 19:00 përcillen për në banesën e fundit, Abedin Bekteshi rreth 60-vjeç, djali i tij Ardit Bekteshi rreth 24-vjeç, dhe nëna e këtij të fundit, Kimete Bekteshi.
Dyshohet se ngjarja e rëndë ndodhi si pasojë e një debati të rëndë familjar, që degradoi më pas në përdorimin e armës.
Ndërkohë raportohet se, Komuna e Lipjanit ka pezulluar të gjitha aktivitetet kulturore pas këtij rasti tragjik.
