Kur ka kaluar gati 1 muaj nga videoja erotike që përfshiu ish-kryebashkiakun e Kukësit, Safet Gjicin, SPAK vijon ende me hetimet për skandalin seksual që tronditi opinionin publik.
Ditën e sotme, Prokuroria e Posaçme ka thirrur për të marrë në pyetje Alma Kaçin, vajza që shfaqet në video duke kryer marrëdhënie seksuale në zyrën e bashkisë së Kukësit me ish kryebashkiakun, Safet Gjici tashmë nën pranga.
Alma Kaçi po merret në pyetje nga prokurorja e çështjes, se kush e ka nxitur dhe si u organizua filmimi seksual. Alma shihet teksa hyn në ambientet e SPAK e shoqëruar nga dy efektivë, e veshur me të zeza dhe kapele në kokë.
Ndërkohë gjatë ditës së djeshme (27 korrik) është marrë në pyetje edhe ish-kryebashkiaku i Kukësit, Safet Gjici, i cili ndodhet në qelitë e paraburgimit në Durrës.
Siç mund ta shihni në pamjet më poshtë Alma futet e shoqëruar në ambientet e institucionit, edhe këtë herë e maskuar.
