Një konflikt mes dy vëllezërve është regjistruar mbrëmjen e kësaj të enjte në fshatin Tushemisht të Pogradecit, ku për pasojë ka mbetur i plagosur me thikë njëri prej tyre.
Autoritetet policore bëjnë me dije se shtetasi Denis Harizi, 44 vjeç, dyshohet se ka plagosur me thikë vëllain e tij shtetasin A. H., 50 vjeç. Ngjarja ka ndodhur në banesën e 44-vjeçarit, pas një konflikti të çastit. Burime bëjnë me dije pë se sherri mes dy vëllezërve ka ndodhur për çështje pronësie.
I plagosuri është transportuar me urgjencë në spitalin e Pogradecit, ku po merr ndihmë mjekësore. Policia njofton se po vijon punën për kapjen e autorit të dyshuar të ngjarjes shtetasit Denis Harizi.
Grupi hetimor po punon për sqarimin e plotë të rrethanave të ngjarjes.
