Gjykata e Lartë ka rrëzuar rekursin e ish-zv. kryeministrit Arben Ahmetaj për çështjen e sekuestrimit të vilave nga ana e GJKKO.
Përmes një vendimi të marrë në dhomë këshillimi, Gjykata e Lartë vendosi të mos pranojë kundërshtimin e bërë nga bashkëjetuesja e Ahmetajt, si edhe Elda Dinajt, pronarja e vilës në Palasë, që sipas SPAK, është në të vërtetë e ish-bashkëshortes së tij.
Në këto kushte, Gjykata e Lartë le në fuqi masën e sekuestros të marrë ndaj vilës së bashkëjetueses se Arben Ahmetajt në Hamallaj dhe atë të vilës së ish-bashkëshortes së tij në Palasë.
“Mospranimin e rekursit të paraqitur nga ankueset Erjola Hoxhaj dhe Elda Dinaj kundër urdhër vendimit numër 62 të datës 26.04.2023 të GJKKO”, njofton Gjykata e Lartë.
Këto vendime të gjykatave erdhën pasi Ahmetaj akuzohet nga SPAK për “shpërdorim detyre” dhe është shpallur në kërkim ndërkombëtar.
Kujtojmë se vilat në fjalë janë kontrolluar më herët nga Policia, ku janë gjetur sende të vlefshme për hetimin ndaj Ahmetajt, si telefona celularë, laptopë, etj. Gjithashtu Arben Ahmetaj është shpallur në kërkim ndërkombëtar për aferën e inceneratorëve.
Avokatët mbrojtës të Ahmetajt pretendojnë se deputeti socialist ndodhet në Britaninë e Madhe, dhe mbetet për t’u parë nëse ai do të nisë ndonjë procesurë për të kërkuar azil, dhe për të shmangur përballjen me drejtësinë.
- Akuzat ndaj Arben Ahmetajt
Ahmetajn dyshohet se ka përfituar prona dhe qindra mijëra euro nga biznesmenët e inceneratorëve Klodian Zoto dhe Mirel Mërtiri. Këto janë bërë përmes disa transaksioneve që janë përpjekur të kamuflohen duke përfshirë disa biznesmenë të tjerë, vlerëson akuza. Po ashtu, hetimet tregojnë se Ahmetaj ka bujtur në hotele luksoze të paguara nga Klodian Zoto. Nisur nga këto prova, SPAK ka ngritur ndaj tij akuzën e korrupsionit pasiv. Gjithashtu, ish-ministri akuzohet se pasuritë e përfituara nuk i deklaruar sipas legjislacionit në fuqi.
Pak ditë më parë, me vendim të GJKKO, u ushtrua kontrolle në 7 banesa të familjarëve të Ahmetajt, ku sipas SPAK, gjatë kontrollit janë gjetur dhe sekuestruar dokumente me interes për hetimin si dhe kompjuter lap – top, telefona celularë, USB etj të cilët do ti nënshtrohen verifikimeve të mëtejshme.
Po ashtu, me vendim të GJKKO, Arben Ahmetajt atë ditë i janë sekuestruar 6 pasuri, nga të cilat 4 apartamente (njëri i përshtatur si AIR BNB) si dhe 2 llogari bankare në shumën 124 300 euro. Më herët, i është sekuestruar një vilë7 në hamallaj dhe një vilë në Palasë.
