Një aksident automobilistik është regjistruar pasditen e kësaj të enjte në lagjen nr.1 të Durrësit.
Burime bëjnë me dije se një automjet tip “Fuoristradë” ka përplasur pesë makina të tjera të parkuara në anë të rrugës, siç shihet dhe në foton e mësipërme.
Edhe pse e regjistruar në një prej zonave më të populluara të qytetit, fatmirësisht nga përplasja nuk raportohet për persona të lënduar, përveç dëmeve të konsiderueshme materiale.
Policia po punon për zbardhjen e plotë të rrethanave, në të cilat u regjistrua aksidenti.
