Një 47-vjeçar është arrestuar këtë të mërkurë nga Policia, pasi është kapur me dru të prera në kundërshtim me ligjin.
Blutë bëjnë me dije se 47-vjeçari në bashkëpunim me vëllain e tij i cili është shpallur në kërkim, u kapën teksa po transportonin 70 m³ dru të prera në pyje.
“Shërbimet e Policisë, në bazë të informacioneve të siguruara nga inteligjenca informative se këta shtetas ushtronin aktivitetin e prerjes së paligjshme të pyjeve, kanë ushtruar kontroll dhe në Maliq, kanë gjetur të magazinuara 70 m³ dru zjarri, pa dokumentacionin përkatës, që këta shtetas i kishin prerë në mënyrë të paligjshme. Nga verifikimet e kryera rezultoi se sasinë e druve, shtetasit U. Z. dhe Q. Z. e transportonin me dy automjete tip fuoristrada, njëri prej të cilëve pa targa. Sasia e druve dhe automjetet u sekuestruan në cilësinë e provës materiale“,- njofton Policia.
Materialet procedurale i kaluan Prokurorisë Korçë, për veprime të mëtejshme.
