Sekretari i Përgjithshëm i Partisë Demokratike, Gazment Bardhi ka komentuar zgjedhjet për “vulën” e kësaj force politike që do mbahen më 29 Korrik, ku Lulzim Basha garon përballë rivalit të tij, Gjergj Hani.
Në një konferencë për mediat, Bardhi u shpreh se “PD s’mund të merret penga nga Basha”, duke theksuar se s’do heqë dorë nga qëndrimet e tij dhe se betejën s’po e bën për karrigen e vet.
“Qëndrimi im dhe i pjesës dërrmuese të kolegëve është vijimi i konfliktit në PD, futja nga një ngërç në tjetrin, nuk është në interesin e PD, i ka lodhur anëtarët e partisë, votuesit e kësaj partie. Nuk kam hyrë në betejë për të ardhmen time politike por për të ardhmen e PD, nuk duhet të jetë peng i asnjë emri të përveçëm. Kur themi që s’duhet të merret peng nga Berisha, të njëjtën gjë duhet të themi që s’duhet të merret peng nga Basha. Nuk do të ndryshoj qëndrim. Nuk kam bërë betejë për karrigen time”, tha Gazment Bardhi.
