Kreu i Partisë Demokratike, Sali Berisha ka publikuar një video skandaloze ku zjarrfikësit shfaqen duke rrezikuar jetën e tyre për shkak se nuk kanë mjetet e nevojshme për të “luftuar” me flakët.
Në një reagim në rrjetin e tij social Facebook, Berisha ka sjellë në vëmendje luftën e vazhdueshme të zjarrfikësve. Puna e tyre bëhet përherë edhe më e vështirë, teksa përballen me mungesën e mjeteve dhe infrastrukturës. Ata vijojnë të shuajnë zjarret me mjete rrethanore, me shkopinj dhe çanta shpine, dhe kur avionë për shuarjen e zjarreve nuk ekzistojnë fare në këtë shërbim.
“Luftë me zjarrin si në mesjetë! Zjarrfikëset në tako! Aeroplani (Ismaili) është për ndenjëset e Ramës! Turp dhe krim!”, shkruan ironikisht Berisha teksa poston videon më poshtë.
