Partizani ka fituar sot ndeshjen e parë në turin e dytë të Ligës së Konferencës ndaj Atletik D’Eskaldes në Andorra.
Të kuqtë kanë bërë një hap të sigurt drejt turit tjetër duke fituar 1-0 jashtë fushe dhe duket se në atë tur, do të udhëtojnë drejt Letonisë për përballjen e turit të tretë.
Shorti i UEFA-s i ka vënë përballë fitueses së çiftit Tre Pene-Valmiera. Sfida e parë e luajtur sot në San Marino, ka folur plotësisht për ekipin mik, që ka dominuar me shifrat 3-0.
Protagonisti kryesor te Valmiera ishte kolumbiani 20-vjeçar Kamilo Mena, i cili shënoi golin e parë dhe të tretë të sfidës, duke treguar aftësi të jashtëzakonshme si driblues dhe finalizues, ndërsa goli i dytë u shënua nga Ndoje pas një goditje këndi.
Partizani mund të fillojë që të studiojë që sot letonezët, të cilët bënë formalitet sfidën e kthimit dhe ndoshta kanë filluar të përgatiten edhe ata për duelin me të kuqtë.
