Një aksident i rëndë me një të vdekur dhe një të plagosur është regjistruar mbrëmjen e kësaj të marte, rreth orës 21:50, në aksin rrugor “Fier-Patos”.
Autoritetet policore bëjnë me dije se shtetasi Bledar Balla, 43 vjeç, banues në Fier, duke drejtuar motorin, ka humbur kontrollin mbi drejtimin e motorit dhe ka dalë nga rruga.
Si pasojë e aksidentit, ka ndërruar jetë në spital, pasagjeri, shtetasi Elton Bardhi, 40 vjeç, banues në Fier, si edhe është dëmtuar dhe ndodhet në spital në kujdesin e mjekëve, jashtë rrezikut për jetën, drejtuesi i motorit.
Grupi hetimor po punon për zbardhjen e shkakut të aksidentit.
