Një avion i vogël privat është përplasur në çatinë e një banese në Teksas. Përplasja, sipas raportimeve të mediave lokale, ndodhi pranë Aeroportit Georgetown teksa piloti i cili kishte në bordin e mjetit fluturues edhe dy persona të tjerë, po tentonte të bënte uljen.
Personat në bord, një burrë dhe dy gra, i mbijetuan përplasjes duke marrë vetëm disa plagë të lehta. Ndërkohë autoritetet kanë nisur punën për të larguar mjetin fluturues pa bërë dëme të mëtejshme.
