Një bandë kriminale shqiptare, u zbulua nga autoritetet spanjolle duke kontrabanduar 5 tonë kokainë të fshehur brenda një ngarkese banana.
Kokaina, e cila vinte nga Ekuadori në një ngarkesë banane, kishte një pastërti prej 87% dhe do të kishte vlerën e më shumë se 265 milionë eurove në treg.
Ndërkohë si rezultat kanë rënë në pranga 5 shtetas shqiptar.
Oficerët gjurmuan dy kamionë në të cilët transportohej droga dhe panë se mallrat po shkarkoheshin nga anëtarët e dyshuar të komplotit, të cilët mbanin veshje reflektuese për të pretenduar se ishin punëtorë të rregullt në zonë.
Sipas policisë, trafikantët e dyshuar të drogës ndërronin vazhdimisht vendbanimin e tyre, udhëtonin shpesh jashtë vendit dhe kishin kompani të ndryshme për të pastruar paratë e trafikut të drogës.
