Një aksident i rëndë që ndodhi mbrëmjen e djeshme në një fshat në Përmet ku një 45-vjeçar humbi jetën.
Bëhet fjalë për operatorin e emisionit ‘Stop’, Gert Hoxha i cili u nda nga jeta pas përplasjes fatale me motorrin e tij.
Vdekjat e Gertit ka tronditur të gjithë ata që e kanë njohur. Ai ka lënë pas bashkëshorten dhe dy fëmijët, ndërkohë që përveç se një profesionist dhe detajit i kamerës, ai ka qenë dhe themelues i shoqatës së ‘Vespës’ në Shqipëri.
Kush është Gerti Hoxha?
Vitet e fundit, Hoxha ishte pjesë e TV Klan duke qenë një prej operatorëve më kurajozë të emisionit “Stop”. Ai punoi për 20 vite në mëdia, kryesisht në formatet investigative të “Top Channel”, Agon Channel dhe së fundmi në TV Klan. Gjithashtu ka qenë asistent kryesor i regjisorëve në filmat e ish Kinostudios “Shqipëria e Re”. Pasionant i jashtëzakonshëm për punën që bënte, miqësor dhe mjaft i dashur për të gjithë.
Në lidhje me vdekjen e tij kanë reaguar dhe kolegët, përmes një postimi në rrjetet sociale, ku shkruhet:
“Qofsh në dritë Gert Hoxha.
Një aksident tragjik dje në mbrëmje ndërpreu në mes jetën e njërit prej operatorëve më të talentuar dhe kurajozë të emisionit “Stop”. Gert Hoxha u nda nga të dashurit e zemrës, miqtë, të afërmit e bashkëpunëtorët, të cilëve u mësoi si të jetonin e ta dashuronin cdo ditë.
Jetoi me shpejtësi e po me aq shpejtësi nxitoi të prekë Parajsën. Gerti punoi prej më shumë se 20 vjetësh në media dhe në formatet investigative në Top channel, Agon channel e së fundi në Tv Klan. Mjeshtër i kameras, i këmbënguljes e pasionit në cdo gjë që bënte, Gerti do të mbetet në zemrën e atyre, që e deshën dhe memorien e atyre, që e njohën.
Stafi i emisionit “Stop” i shpreh ngushëllimet më të thella familjarëve të Gertit dhe i gjendet pranë në këtë humbje të pazëvendësueshme! Gert! Shijo parajsën sic thithe cdo grimcë të jetës!
Ndërkohë në reagimin e shoqatës së Vespave thuhet:
Me hidherim te thelle bej nje lajmerim qe sdo te doja ta beja me kurre! E gjithe bota e vespizmit Shqipetar eshte ne zi ! Ka nderruar jete ne nje aksident me vespa GERT HOXHA (ÇOMI) ! Vespist shume i apasionuar dhe themelues i Vespa Club Tirana. Mos mungoni te marrim pjese te gjithe ne xhiron e tij te fundit!
Nuk gjej fjale te shpreh hidherimin tim…
Ngushellime familjes miqve dhe shokeve!”
