Kryetari i FRPD, Besart Xhaferri ka reaguar në një status në Facebook pas uzurpimit të qendrave të votimit nga mercenarë të mazhorancës në Rrogozhinë.
Xhaferri deklaron se qytetarët janë të intimiduar dhe shantazhuar nga strukturat e kandidatit të mazhorancës, që nuk i lidh asgjë me votën e lirë.
Ai shton se Policia e Shtetit deri tani është pasive përballë çdo parregullsie.
Postimi:
Uzurpimi i Qendrave të Votimit nga mercenarë të mazhorancës dhe drejtues të administratës po kthehet në një problem serioz për mbarëvajtjen e procesit zgjedhor në Rrogozhinë këtë të Dielë!
Qytetarët janë të intimiduar dhe shantazhuar nga strukturat e kandidatit të mazhorancës, që nuk i lidh asgjë me votën e lirë!
Komisionerët tanë kanë pikasur dhe kundërshtuar ashpër tentativa të fotografimit të votës por edhe votimit familjar.
Policia e Shtetit deri tani është pasive përballë çdo parregullsie.
Pavarësisht çdo tentative për tjetërsimin e votës ne do të qëndrojmë stoikë për mbrojtjen e të drejtës qytetarëve të Rrogozhinës për të votuar!
Qytetarët i ftojmë të dalin masivisht në votime, si e vetmja mënyrë që pakica të mos vendosë për fatin e të ardhmes së fëmijëve të tyre!
