Massanga Matondo është shndërruar në një çështje që duhet të marrë zgjidhje te Partizani.
Mesfushori afrikan nuk është rikthyer më tek të kuqtë, pavarësisht se kontrata e lidh me kryeqytetasit edhe për sezonin e ardhshëm.
Drejtuesit kanë bërë me dije se do të ketë sanksione të rënda për të.
Ai ishte pikë referimi për mesfushën e Partizanit në sezonin që lamë pas. Dhe në këtë periudhë të Kupave të Europës pritej të ishte futbollisti kyç dhe i pari në vitrinë për t’u shitur.
Mësohet se drejtuesit kanë pasur plan që të mbushnun arkat pikërisht me cilësitë e tij. Plani ishte që Matondo të aktivizohej edhe në Europë e më pas të largohej sipas ofertës më të mire që do të mbërrinte.
Megjithatë kjo nuk ndodhi dhe tashmë palët janë në luftë verbale. Nga Afrika, lojtari deklaron se nuk kthehet.
Nga ana tjetër, drejtuesit nuk kanë ndërmend ta lënë të lirë, teksa mund t’i drejtohen FIFA-s për zgjidhje përfundimtare.
