Tirana do të përballet me Besiktas në raundit e dytë të kualifikueseve të Conference League.
Ndeshja e parë do të luhet në Stamboll më 27 korrik në orën 21:00 ndërsa e kthimit një javë më vonë më 3 gusht në orën 20:00 në ‘Air Albania’.
UEFA e ka vlerësuar maksimalisht këtë sfidë teksa Sektori i Gjykimit ka caktuar një nga arbitrat më të mirë në Bundesliga për të vendosur drejtësinë në sfidën e parë në ‘Besiktas Park’.
Daniel Schalger do të jetë bilbili kryesor i cili do të ndihmohet nga bashkombasit Sven Waschitzki dhe Arno Blos ndërsa arbitër i katërt do të jetë Tobias Reichel.
Schlager është një emër me mjaft perspektivë në sektorin e gjykimit në gjermani teksa në moshën 33-vjeçare shihet si ndër më të mirët në qarkullim.
