Një automjet është djegur gjatë mesnatës së kaluar në Durrës, teksa policia ka identifikuar dhe arrestuar autorin.
Makina i përket një vajze, e cila ka denoncuar në polici, teksa në momentin e që i është vënë zjarri, makina ka qenë e parkuar përpara banesës së saj, në Spitallë.
Autori është shtetasi Erjon Xhelo, 27 vjeç, banues në Durrës, i dënuar më parë për veprën penale “Dhuna në familje”. Siç shihet dhe nga video e publikuar nga Policia, ai është kapur nga kamerat e sigurisë në momentin kur i ka vënë zjarrin makinës, teksa në banesë i janë gjetur edhe veshjet që kishte veshur në momentin kur kreu krimin.
Materialet i kaluan Prokurorisë pranë Gjykatës së Shkallës së Parë të Juridiksionit të Përgjithshëm Durrës, për veprime të mëtejshme, për veprën penale “Shkatërimi i pronës me zjarr”.
