Partia Socialiste do të mbledhë Asamblenë Kombëtare në mesin e javës së ardhshme.
Sipas burimeve mediatike, bëhet me dije se mbledhja pritet të zhvillohet pasditen e së mërkurës më datë 26 korrik.
Ende nuk dihet nëse në këtë mbledhje do të ketë diskutime për ndryshime në qeveri, pasi prej kohësh flitet se kryeministri Edi Rama ka menduar të largojë disa nga ministrat e tij, por nëse kjo nuk ndodh ditën e mërkurë, mbetet për t’u parë se çfarë do të ndodhë në shtator.
Gjithashtu mësohet se gjatë mbledhjes pritet të zhvillohet analiza e zgjedhjeve të 14 majit, si dhe analiza për punën e çdo ministrie dhe të strukturave të përtisë.
Gjithashtu mësohet se në këtë mbledhje, kryeministri Edi Rama, që është edhe kryetar i PS-së, do të ketë edhe fjalimin më të gjatë.
Gjithashtu mbetet për tu parë nëse në mbledhjen e Asamblesë socialiste do të ketë vendimmarrje për sa i takon ndryshimeve në kabinetin qeveritar.
