Rrjeti më i madh televiziv në SHBA, Fox News, ka raportuar për ligjin që miratoi parlamenti shqiptar duke i hapur rrugë legalizimit të kultivimit të kanabisit për përdorim mjekësor.
Fox News raporton se edhe pse Shqipëria është udhëkryqi evropian për trafikun e marijuanës, vendi legalizoi kanabisin pavarësisht opozitës së ashpër.
“Trafikantët e drogës kanë shfrytëzuar më parë mungesën e qeverisjes së fortë, duke lejuar që biznesi i marijuanës të lulëzojë në mënyrë të paligjshme,” shkruan Fox News.
“Nuk është e qartë se si do të rregullohet kanabisi mjekësor. Qeveria beson se lejimi i prodhimit të kufizuar të kanabisit mund të rrisë të ardhurat nga taksat”.
“Shqipëria është ende një rrugë kryesore për trafikimin e drogave të forta. Policia ende godet rastet e izoluara të rritjes së kanabisit, por shumë më rrallë se një dekadë më parë”, raporton rrjeti amerikan.
Shumë media ndërkombëtare i kanë bërë jehonë miratimit të këtij ligji në orët e para të mëngjesit.
