Zjarret kanë shkatërruar zona të gjera pyjore në disa ishuj të Greqisë.
Në zonën e Kretës si dhe pranë qytetit të Florinës në zonën veriore është shpallur gjendja e emergjencës.
Në Rodos, erërat e forta kanë nxitur flakët shkatërruese. Gjendja e jashtëzakonshme në disa njësi të Rodosit do të qëndroj në fuqi për 6 muajt e ardhshëm, deri më 18 janar. Kërkesa u dorëzua guvernatori rajonal I Egjeut Jugor si dhe kryebashkiaku i Rodosit, të cilët kanë dhënë alarmin.
Ndërsa të mërkurën, autoritetet evakuuan katër fshatra dhe një hotel pasi zjarri që shpërtheu në orët e para të së mërkurës pranë fshatit Apollonas në malet perëndimore iu afrua vendbanimeve. Shërbimi meteorologjik grek kishte paralajmëruar për një rrezik të shtuar të zjarreve nga e enjtja, pasi vendi u rikuperua nga vala e parë e madhe e të nxehtit të verës.
Një valë e dytë e të nxehtit parashikohej të fillonte të enjten, me temperatura që do të kalonin 40 gradë Celsius në disa zona, dhe do të rriteshin më tej të premten në një maksimum prej 44 gradë Celsius.
Forcat tokësore dhe ajrore të zjarrfikësve do të vazhdojnë patrullimin parandalues në pyjet e të gjithë territorit të Greqisë mes kushteve të vështira. Zjarret janë të zakonshme në Greqi, por verërat më të nxehta, më të thata dhe me erë e kanë kthyer Mesdheun në një pikë të nxehtë zjarri në vitet e fundit.
