Është shoqëruar me përplasje seanca e sotme plenare në Kuvend.
I pari që mori fjalën ishte kreu i grupit parlamentar të PD-së, Gazment Bardhi, i cili i ka kërkuar kryetares së Kuvendit Lindita Nikolla që të ndëpresë seancën e sotme, pasi kryeministri nuk ishte i pranishëm.
Bardhi shprehet se Rama duhet të japë llogari për aferën e inceneratorëve, vjedhje që nuk duhet kaluar me heshtje.
“ E kuptoj që doni të kaloni vjedhjen e shekullit në heshtje, por ju nuk mund ta kaloni këtë pa debat dhe pa dhënë llogari Edi Rama. Ju kërkoj e nderuar drejtuese e seancës, që të ndërprisni këtu këtë seancë dhe të thërrisni kryeministrin dhe të vijë të japë llogari para parlamentit shqiptar.
Unë e kuptoj frikën tuaj, se nëse ngrihet ndonjë prej jush do ju çojë në zgjedhje të parakohshme, por frika e Edi Ramës nuk është frika e këtij parlamenti. Sill kryeministrin në seancë”,- u shpreh Bardhi.
