Disa muaj pas vrasjes së biznesmenit Ardian Nikulaj, në lokalin e tij në Shëngjin, një tjetër vrasje është shënuar ditën e sotme në Balldre të Lezhës, ku ka mbetur viktimë shtetasi Nikolin Lekstakaj, fisi me të cilin Nikulaj kishte përplasje.
Nisur nga dinamikat e regjistruara më herët mes dy fiseve, policia dyshon se ngjarja e sotme ka ndodhur pikërisht për hakmarrje.
Por si nisi përplasja mes dy fiseve?
Historia e përplasjeve mes fiseve Nikulaj dhe Lekstakaj në Lezhë e ka zanafillën në vitin 1996, ku konflikti nisi në një karburant në dalje të qytetit të Lezhës për 10 mijë lekë të vjetra.
Vëllai i Ardian Nikulaj bashkë me një përson tjetër ishin shitës në karburantin në fjalë dhe një nga pjesëtarët e familjes Lekstakaj po furnizonte makinën. Pas furnizimit me karburant shitësit kanë debatuar me drejtuesin e mjetit me pretendimin se nuk kishte bërë pagesën prej 10 mijë lekësh të vjetra të furnzimit me karburant.
Pas debatit verbal, drejtuesi i mjetit është larguar, duke u rikthyer i armatosur disa minuta më vonë dhe ka qëlluar në drejtim të dy punonjësve duke i lënë të vdekur në vend mes të cileve dhe vëllain e Ardian Nikulaj.
Aty nis dhe historia e gjakmarrjes, ku pak muaj më vonë vriten Gëzim Lekstakaj dhe Laurent Gjetja që ishte nip i familjes. Ndërsa në vitin 1999 vritet Gjovalin Lekstakaj dhe plagoset rëndë Pjetër Lekstakaj, ngjarja këto të pazabardhura, por që dyshohet se kanë lidhje me gjakmarrjen mes dy fiseve.
Më 19 Prill 2023 u ekzekutua Ardian Nikulaj, ndërsa sot policia konfirmoi se vrasja aktuale ndodhi për motive hakmarrje.
