Ky sezon veror ka ardhur me një të nxehtë ekstrem thuajse në gjithë botën, dhe pritet që temperaturat të shënojnë rekorde.
Por ky i nxehtë ka sjellë probleme shtesë për qytetarët dhe turistët në Turqi, veçanërisht në qytetin Aydin, ku termometri shënon 41 gradë.
Shumë njerëz nuk dalin në rrugë, por ata që dalin duhet të sigurohen mirë se ku do shkelin, pasi asfalti ka nisur të shkrijë.
Disa foto janë duke bërë xhiron e rrjetit, ku duken disa shapka që janë ngjitur me asfaltin, për shkak të nxehtësisë.
