Policia Kufitare e Vlorës u ka ardhur në ndihmë 4 pushuesve, të cilët ishin bllokuar në vendin e quajtur “Shpella e Haxhi Aliut”, sepse mjeti i tyre lundrues skaf kishte pësuar defekt.
Pasi janë lokalizuar, së bashku me mjetin e tyre lundrues janë shoqëruar me mjetin e Policisë Kufitare, në Triport.
Po gjatë ditës së sotme, nga Policia Kufitare Dhërmi është marrë njoftimi se një mjet lundrues kishte pësuar defekt, në plazhin e Livadhit.
Menjëherë, edhe në këtë rast, shërbimet e Policisë Kufitare në Dhërmi janë organizuar për t’iu shkuar në ndihmë, duke shoqëruar me mjetin e Policisë Kufitare, në breg, mjetin lundrues që kishte pësuar defekt, së bashku me personat në bord, pa probleme.
