Tentativa e Romelu Lukakut për t’u bashkuar me Juventusin është një grusht në “zemrën” e tifozëve të Interit, të cilit nuk ia falin sulmuesit belg, i cili vetëm 12 muaj më parë u rikthye mes entuziazmit në Milano.
Një pjesë e fraksionit më esktremist të tifozerisë zikaltër nuk është kursyer ndaj shtatlartit, duke shkruar:
“Kush të tradhëton, do të vazhdojë ta bëjë një gjë të tillë, jo sepse i pëlqen por sepse ashtu është krijuar. Ti na tradhëtove të gjithëve që të kemi mbrojtur edhe gjatë momenteve të tua negative dhe tani na i kthen me këtë veprim prej Bruti. Puthe atë stemë që për ne vlen më shumë se jeta jonë dhe tani si një mercenar i ofrohesh ofertuesit që jep më shumë. Përpara se të jesh një kampion duhet të jesh burrë dhe ti nuk je. Lukaku, lamtumirë pabuks”.
